Alma Demiraj është ndër të parat gazetare të Top Channel, që në krijimin e tij dhe një ndër më të mirat në fushën e sociales. Por karriera për të ka ecur gjithmonë paralel me dashurinë. Në vitin 1999, Alma u njoh në mbientet e punës me Alkedin dhe atje nisi një histori e bukur dhe e gjatë dashurie, e cila u kurorëzua me martesë në vitin 2005. Vetëm tre muaj më parë Alma dhe Alkedi janë bërë prindër të dy djemve binjakë.
Nëse për shumë prindër, shtatëzania është një process natyral dhe i thjeshtë, për Almën, ka qënë një rrugë e stërmundimshme dhe një përpjekje 5-vjecare, derisa më në fund ia doli. Lexoni rrëfimin emocionues të gazetares dhe mësoni se si ia doli që sot të ketë në duar dy dhuratat më të bukura të jetës së saj.
Viti 2015 solli dhuratën më të bukur në jetën time . Kam sot ne krah dy ëngjëj të vegjël dhe te bukur, Rei dhe Luis të cilët sapo kanë bërë tre muaj dhe unë jam shumë e lumtur . Ardhja në jete e dy bebeve të mia më bën të them fort, se ëndrrat realizohen. Kur njeriu e do me gjithë shpirt një gjë,herët a vonë ajo realizohet . Dhe kjo ndodhi me mua dhe bashkëshortin tim Alkedin . Një dashuri e fortë u kurorëzua dhe me frytin e saj , ndonëse u vonua pak në kohë. Ashtu si cdo femër, dëshira për të sjellë në jetë një fëmijë u ndez shpejt ,pasi u martuam.
Por impenjimet e shumta për të dy ne, bënë që ditët dhe vitet të kalonin pa kuptuar se po linim pas atë që të dy e donim me shpirt. Atëherë, u ndalëm dhe filluam dhe të shqetësoheshim, se cfarë po ndodhte në të vërtetë me ne . Filluam check-up për të dy .Po kështu ,filloi dhe stresi ,për të cilin na thonin që nuk e favorizonte aspak mbetjen shtatzënë
.Në këtë moment fati deshi që unë të njoh një gjinekologe shumë të mirë në Tiranë , Ass.Prof.Eliona Demaliaj. Nuk mund të vlerësoja sa e aftë profesionalisht ishte ajo në atë moment, por u ndieva komode në bisedë me të ,se përvecse gjinekologe Eliona ishte një psikologe e mirë .Dhe në fakt kur shqetësimi im po shtohej, e kisha të nevojshme këtë gjë , pra që gjinekologu të mos bënte vetëm ekon dhe të më komunikonte vetëm rezultatin. E qetë dhe duke më parë në sy , pas vizitës Eliona më tha se gjithcka ishte ok dhe unë do ta realizoja ëndrrën time .
Edhe pse isha e lodhur pasi kisha kontaktuar disa mjekë gjinekologe , optimizmi dhe kurajo që më dha Eliona më shtynë që të vazhdoja më me këmbëngulje .Kështu nisa të ndjek me rigorozitet cdo udhëzim të Dr.Elionës . Vizita , ekografi të herëpashershme, medikamente stimuluese, analiza hormonale dhe këshilla të se doktoreshës që të mos
stresohesha Nuk ka cmim përkushtimi dhe vendosmëria e saj që ne të arrinim sot këtu . Tek e fundit unë isha një ndër mijëra pacientet që ajo ndiqte dhe mund dhe të ishte tërhequr. Di të them se është ndër të paktët mjekë që në profesionin e saj prioritet ka të ndihmojë pacientin dhe jo përfitimin.
Nën kujdesin e saj të jashtëzakonshëm dhe pas një terapie të mirë që ndoqëm,në Marsin që kaloi unë nuk i besoja syve të mi teksa shikoja rezultatin pozitiv të testit . Atë ditë isha në ankth dhe nuk guxoja të merrja përgjigjen. Ma dërguan në emaiI . Kur e hapa i telefonova me shpejtesi Dr Elionës e cila i përgjigjej telefonatave të mia në cdo orar .
Teksa i them rezultatin e Beta HCG ajo therret urraaaaa ,ndërsa unë shpertheva duke qarë sa nuk artikuloja dot më asnjë fjalë.
Por gëzimi nuk u ndal këtu . Teksa Eliona vijonte të ndiqte me kujdes shtatzaninë time , pak më vonë mësuam se kisha binjakë . Ky lajm i rriti edhe më shumë dozat e gezimit që shihej në sytë e mi të Alkedit dhe Dr. Elionës Cdo këshillë e Dr. Eliones ishte ligj për mua . Ajo nuk harronte që pas orëve të gjata në punë në fund të ditës të më telefononte për të pyetur si isha apo i kisha marrë vitaminat. Dhe kështu kaluan shumë shpejt 9 muaj të mbushura me ditë të gëzuara.
Në 16 tetor lindën binjakët e mi. Ata nxituan vet dhe erdhen pak para kohe. Emocion , lumturi gjendje e pashpiegueshme me fjalë . Kur shikoja të dy aq të vegjël mbushesha në lot gëzimi . Bukur vërtet shumë bukur të sjellësh në jetë binjakë, megjithese e veshtire si shtatezani dhe shpeshhere stresuese.
Që nga ajo ditë ka ndryshuar gjithcka . Janë ndryshe ditët dhe netët në shtëpinë tonë… /Marrë me shkurtime nga Anabel/
