Franca ka zhgënjyer me barazimin e marrë dje në fushën e Bjellorusisë në ndeshjen e parë kualifikuese për Rusi 2018. Edhe pse nuk ka qenë i vetmi që nuk ka bindur, Paul Labile Pogba është lojtari që është kritikuar më ashpër nga gazetari i “L’Equipe”, Damien Degorre, i cili ka thënë se nga mesfushori i United pritet më shumë. Lojrari më i shtrenjtë i historisë së futbollit ka shprehur dëshirën për të fituar “Topin e Artë”, por ka shumë lojtarë të mëdhenj që e kanë fituar këtë trofe brenda moshës 23-vjeçare. Edhe pse ka pasur më shumë liri veprimi në fushë falë N’Golo Kante nuk ka arritur gjithsesi ta udhëheqë Francën drejt fitores. Ky është dhe problemi kryesor. Ai ka luajtur 40 ndeshje me përfaqësuesen deri tani, por pa arritur të bëjë kurrë një paraqitje të madhe:
Gazetari francez: “Pogba duhet të mendojë më pak për marketingun”
“Dje ai ka zhvilluar ndeshjen e tij numër dyzet qëkur është bërë pjesë e kombëtares në mars të 2013-ës, dhe nuk ka arritur të bëjë diferencën në asnjë sfidë. Është i ri? Kjo është e vërtetë. Por në moshën e tij lojtarë të tjerë e kishin fituar Topin e Artë, trofeu që ai, siç ka pranuar edhe vetë, e ëndërron. Natyrisht ka akoma kohë në dispozicion për të shprehur të gjithë talentin që ka, por është për të ardhur keq që ka humbur një mundësi për të treguar vlerat e tij siç ka ndodhur në ndeshjen e fundit”. Duhet theksuar se ky nuk është një sulm ndaj Pogba, por një kritikë e drejtë. Në fakt, Degorre e ka intervistuar disa herë lojtarin dhe duket se e pëlqen atë. Ai ka shkruar se: “Pogba nuk luajti keq, ishte thjesht një paraqitje mesatare” dhe ka uruar që mesfushori “të mendojë më pak për marketingun dhe më shumë për sportin”. Si shumë tifozë francezë, ai nuk është i zemëruar, vetëm i zhgënjyer.
Ju sugjerojmë
TE FUNDIT
Krimi zgjedhor/ Prokuroria e Përgjithshme: U arrestuan 7 persona, 87 kallëzime
Gjatë këtyre ditëve janë publikuar informacione lidhur me kallëzimet, procedimet penale apo arrestime, që lidhen me veprat penale që prekin...
Përfundon procesi i numërimit të votave për kandidatët në tre qarqe
Teksa mbrëmjen e djeshme u mbyll numërimi në të gjithë qarqet sa i përket votave për subjektet politike, tashmë vijon...
Lezhë/Vende të sigurta në Kuvend Gjekmarkaj,Hoti, Manja!Kush futet nga lista e hapur
Në qarkun e Lezhës, deri më tani raportohet të jenë numëruar 109 kuti nga 245 në total lidhur me votat...
I akuzuar për vrasjen e tre grave, Dan Hutra dënohet me burgim të përjetshëm
Gjykata Penale e Tiranës ka dënuar me burg përjetë Dan Hutrën, autorin e vrasjes së 3 grave. Mësohet se Hutra...
