Mesazhe të panumërta ngushëllimi për ish-drejtuesin e ndjerë të policisë, 42 vjeçarin Artan Cuku që plumbat i morën jetën në prag të shtëpisë mbrëmjen e së shtunës në Tiranë. Artan Cuku kishte kryer një sërë detyrash të rëndësishme deri në 2013 kur u pushua nga puna dhe madje u largua nga radhët e policisë, sipas gjasave për aryse politike.
Vrasja e tij deri më tani lidhet me kohën kur mbante detyrën e drejtorit të policisë në Vlorë por edhe një incidenti të rëndë që i ndodhi në zyrën në 2015, kur u vetëvra një person i ndaluar.
Gjithsesi këto mbeten aludime, për sa kohë policia dhe prokuroria ende nuk kanë identifikuar autorët dhe as nuk kanë dhënë një pistë të saktë të hetimeve.
Homazhet për Cukun u mbajtën në Policinë e Tiranës ku morën pjesë drejtues të policisë si dhe kreu i PD-së, Lulzim Basha.
Sakaq kanë vërshuar ngushëllimet në rrjetet sociale, mes tyre janë edhe gazetarët të cilët flasin për marrëdhënien e punës dhe atë njerëzore që kanë patur me Artan Cukun.
Eglantina Nikollaj e gazeta “Panorama”, shkruan se Çuku ishte gjithnjë në dispozicion të gazetarëve ndryshe nga shefat aktual të policisë.
Sakaq, Urim Bajrami, gazetar dhe kryeredaktor dhe tani tek AMA, shkruan se e njeh prej vitesh Çukun dhe hedh alarmin se të gjithë jemi të pambrojtur nga kriminelët.
Flamur Vezaj i AbcNews, thotë se Artan Cuku ka luftuar me bandat dhe më pas u hodh në rrugë për arsye politike. Sakaq Fezaj thotë se Artan Cuku kishte gjyqin për tu kthyer në punë, por Policia e Shtetit nuk e ka zbatuar vendimin prej 1 viti.
Në të njëjtën linjë, është gazetari i Shqiptarja.com Elton Qyno i cili shkruan se “ky shtet nuk mbron dot as policët qe i kane sherbyer me shume perkushtim”.
/R.D.-Opinion.al
*Bashkëngjitur mesazhet e plota të gazetareve
