Në Gaza nuk do të ketë energji elektrike, ujë apo karburant derisa njerëzit që janë marrë peng nga Hamasi të kthehen në shtëpi.
Kjo është ajo që ka deklaruar mëngjesin e së enjtes, ministri izraelit i energjisë, Israel Katz.
“Asnjë çelës elektrik nuk do të ndizet, asnjë hidrant uji nuk do të hapet dhe asnjë kamion me karburant nuk do të hyjë derisa të rrëmbyerit izraelitë të kthehen në shtëpi. Humanitare për humanitare. Dhe askush nuk do të na predikojë moral,” shkroi Katz në platformën X.
Kujtojmë se gjatë sulmit të së shtunës, militantët e armatosur të Hamasit mësynë kufirin e fortifikuar në Izrael dhe morën rreth 150 pengje, përfshirë oficerë të ushtrisë izraelite.
Hamasi paralajmëroi se do të fillonte ekzekutimin e pengjeve nëse Izraeli do të targetonte njerëzit në Gaza pa paralajmërim.
