Gennaro Gattuso ka arritur marrveshjen me skuadrën e Milanit duke rinovuar kontratën deri në vitin 2021.
Klubi i Milanit ka zyrtarizuar lajmin, ku më pas vetë Gattuso ka falenderuar Fassonen dhe Mirabellin për besimin që i kanë dhënë.
“Jam i lumtur që do të jem trajner i Milanit. Në këtë rast falënderojë lojtarët e skuadrës sime pa të cilët nuk do të isha këtu ku jam sot nëse ata nuk do të kishin punuar shumë këta muaj” ka thënë Gattuso.
Gattuso ka sjellë tek Milani një transformim të jashtëzakonshëm duke arritur rezultate të mira.
Në fund të vitit të kaluar, Gattuso zëvëndësoi Montellan duke marrë drejtimin e kuqezinjve.
Aktualisht, Milani renditet në vendin e gjashtë në kampionatin Italian me 50 pikë të grumbulluara.
