Shkëlzen Gashi është duke jetuar një moment të bukur në kampionatin amerikan. Futbollisti shqiptar është transferuar në Shtetet e Bashkuara të Amerikës dhe është një nga lojtarët e grumbulluar nga De Biasi për finalet e Euro 2016.
Sulmuesi dha një intervistë për faqen zyrtare të FIFA-s, ku foli edhe Kombëtaren.
“Ne po shikojmë përpara. Është një grup i fortë, por mund të surprizojmë. Ne po shkojmë në Francë me besim të plotë, pasi luajtëm mirë gjatë kualifikuesve ku mundëm Portugalinë. Ne dimë çfarë mund të bëjmë dhe nuk i frikësohemi kujt. Ne zhvilluam dy miqësore me Francën dhe nuk u mundëm. Ne duam të bëjmë një paraqitje të madhe. Natyrisht që nuk shkojmë si favoritë, por shpresojmë që të surprizojmë” – tha Gashi për Fifa.com.
27 – vjeçari vlerësoi punën e De Biasi me lojtarët, ndërsa tregoi se ky grup lojtarësh të rinj janë të uritur për të arritur suksese. Gashi emocionohet edhe për sfidat që e presin Kombëtaren edhe në eliminatoret e Kupës së Botës 2018, ku kundërshtarët janë Spanja dhe Italia.
Tv Klan
