Garda e Republikës ka lejuar ditën e sotme deputetët e përjashtuar të opozitës të hyjnë në Kryesinë e Kuvendit.
Midis deputetëve të përjashtuar janë Gazment Bardhi, Flamur Noka, Flamur Hoxha, Bledian Nallbati. Ata nuk janë penguar nga Garda e Republikës të hyjnë në ambientet e Kryesisë.
Sekretariati i etikës pas kërkesës së mazhorancës mori masë disiplinore ndaj deputetëve të sipërpërmendur me përjashtim nga Kuvendi për dhjetë ditë.
Ndryshe nga herët e tjera ku deputetët e përjashtuar nuk janë lejuar të hyjnë në kryesi të kuvendit edhe për aktivitet partiak, këtë të enjte Garda ka vepruar ndryshe duke lënë opozitarët e përjashtuar të hyjnë për mbledhjen e grupimit të PD.
