Debate të ashpra ka patur këtë të hënë në Komisionin e Ligjeve, ndonëse mbledhja mësohet se nuk u zhvillua.
Deputetët e opozitës, që u lejuan që të futeshin në sallë, kanë kërkuar llogari te kolegët socialistë se pse Garda nuk i lejoi të futen në kryesi.
I ashpër në fjalën e tij ka qenë deputeti demokrat Dashnor Sula.
Ai iu drejtua deputetit të PS-së, Arben Pllumbi, duke i thënë: “Po na rrahin o Arben!”.
“Turp të keni, turp. Nuk jam hajdut! Por të më mbyllni derën, ça jeni ju? Ça të bëjmë ne? Të shtyjmë njëri tjetrin? Si e mbyllët derën? Kush e mbylli? Gjej një rast kur i mbyllet dera deputetëve? Gjeni një rast?! Ky është turp. Më tregoni tani një muhabet. Më dhunove atje! Më dhunove. Keni humbur logjikën! Merruni me Saliun ose Nokën, ç’punë ke me këtë?!”, tha Sula.
Ndërkohë, Bylykbashi tha se nuk mund të përdoret ndëshkimi në grup për deputetët e opozitës.
