Kandidati për President i FSHF-së, Bashkim Fino ka dhënë dorëheqjen nga të gjitha postet që mbante në PS. Përmes një statusi në facebook ai thotë se largohet nga funksioni i sekretarit organizativ dhe administrativ, për të evituar çdo paragjykim, për një garë të drejtë dhe të ndershme. Por Bashkim Fino nuk ka lëshuar mandatin si deputet i PS në Parlament.
Statusi në facebook:
Pavarësisht se nuk jam i detyruar ligjërisht, sapo i paraqita dorëheqjen Kryetarit të Partisë dhe Sekretarit të Përgjithshëm nga funksioni i sekretarit organizativ dhe administrativ të Partisë Socialiste. Ky akt, vjen për të evituar çdo paragjykim, për një garë të drejtë dhe të ndershme, në kuadër të kandidimit tim për postin e presidentit të FSHF.
