Keidi Bare vërtet nuk po luan me ekipin e parë të Atletico Madrid, por në jetën private duket se gjërat po shkojnë mirë. Futbollisti shqiptar ka nisur një histori dashurie me vajzën e trajnerit të tij, Florencia, teksa ata kanë bërë publike marrëdhënien e tyre në rrjetet sociale. Ndihmësi i Simeones nesër mund të jetë vjehrri i tij.
Keidi Bare ka debutuar me ekipin e parë në janarin e këtij viti në një ndeshje të “Copa del Rey” kundër Las Palmas, duke pasur ndihmën edhe babait të vajzës që po shoqërohet aktualisht. 20-vjeçari gjatë verës shënoi një gol fantastik në turneun “Audi Cup” ndaj Liverpool.
Bare shfaqet shpeshherë në rrjetet sociale në dedikimet e të dashurës, e cila është shumë e dashuruar me të. Keidi po përjeton një histori të ngjashme si Aguero, i cili ka pasur si trajner vjehrrin Maradona. Megjithatë, kjo jashtë fushave, pasi për të ecur përpara Keidi Bare duhet të bëjë pa ndihmën e askujt.
