Mesfushori i kombëtares angleze Aaron Lennon është shtruar në psikiatri për shkak të një çrregullimi në shëndetin e tij mendor.
Lajmi është zyrtarizuar nga policia e cila të djelën e ndaloi futbollistin e njohur për shkak se kishte marrë denoncime se ai kishte shfaqur gjendje të rënduar mendore në rrugët e Mançesterit, shkruan tabloidi britanik “The SUN”.
“Aron Lenon është nënshtruar kujdesit mjekësor për shkak të një sëmundjeje të lidhur me stresin. Jemi në krah të tij në këtë periudhë të vështirë dhe familja e tij ka kërkuar të respektohet privatësia”, thuhet në njoftimin zyrtar të Evertonit.
Kujtojmë që Lennon tashmë në një moshë 30-vjeçare është pjesë e Evertonit, ndërsa me Kombëtaren angleze ai ka zhvilluar 21 ndeshje. / SYRI.net
