Rajan Mejson, futbollisti 26-vjeçar nga Anglia, ka treguar për herë të parë për kokën e tij, pas thyerjes së kafkës të pësuar në janar 2017, pas një përplasje me Geri Kahill.
Që nga ajo kohë, ai nuk ka luajtur me Hull Sitin, pasi ka rreziqe serioze në rast rikthimi në fushën e blertë.
“Viti 2017 ka qenë tepër i vështirë për mua, aq sa nuk mund ta shpjegoj me fjalë. Ka qenë një sfidë mendore dhe fizike, dhe jam krenar që i kam tejkaluar të gjitha. Do të kthehem më i fortë se kurrë” – deklaron Rajan.
Ai ka vendosur 14 pllaka hekuri në kafkën e kokës, dhe aty ka 42 qepje, por për fatin e tij të mirë, ai është ende gjallë.
