Partizani nuk di të shënojë. Skuadra e kuqe, në dy ndeshjet e para të kampionatit, ka dëshmuar se nuk është në lartësinë e emrit dhe pretendimeve maksimaliste, që ka presidenti Gaz Demi. Barazimi pa gola ndaj Vllaznisë ka irrituar pa masë edhe tifozët, të cilët kanë kontestuar fuqishëm trajnerin Sormani dhe stafin e tij. Këtë acarim të tifozëve me të, duke mos e lejuar pas ndeshjes as t’i përshëndesë, e ka konsideruar si diçka që ndodh në futboll. Madje, Sormani thotë se është i kënaqur nga loja e të tijve, duke evidentuar si problem vetëm mungesën e golit. Për mikrofonat e “Supersport”, trajneri italian i të kuqve nënvizoi mes të tjerash:
“Besoj se protestat janë pjesë e lojës dhe unë i respektoj, por në fushë pashë një skuadër me dëshirë të madhe, që luajti shpejt dhe krijoi raste për shënim. Ne ishim agresivë në çdo sektor të fushës, e mbyllëm Vllazninë në gjysmëfushën e saj. Kur një kundërshtar luan kaq mbrapa, i ngjeshur, është e vështirë të gjesh hapësirat. Për mua, meritonim ta fitonim ndeshjen. Besoj se kemi luajtur shumë më mirë se ndaj Luftëtarit.
[fbvideo link=”https://www.facebook.com/Digitalb/videos/1010415979056325/” width=”500″ height=”400″ onlyvideo=”1″]
