Fundjava solli një numër të madh pushuesish në bregdetin e Shëngjinit, por kthimi i tyre drejt qyteteve shkaktoi trafik të rënduar në rrugët kryesore të Lezhës.
Më problematike paraqitet aksi që lidh Shëngjinin me qytetin e Lezhës dhe më tej, me rrugën kombëtare.
Trafiku është i rënduar edhe nga Lezha në drejtim të Fushë Milotit, si dhe në segmentin Fushë Milot–Skuraj. Kolona të gjata makinash janë raportuar edhe në aksin Lezhë–Shkodër.
Situata më e ngarkuar u shënua në orët e pasdites së të dielës, kur qindra automjete u vunë në lëvizje për t’u kthyer drejt qyteteve të tjera pas pushimeve.
Zona turistike e Ranës së Hedhun po ashtu është përfshirë nga kolona të gjata automjetesh, duke vështirësuar qarkullimin.
