Kryeministri Albin Kurti ka folur lidhur me arrestimin e një prej organizatorëve të sulmeve në veri të Kosovës.
I pyetur për “ftohjen” e marrëdhënieve me ndërkombëtarët, Kurti tha në konferencën për mediat se policia e Kosovës nuk ka pse merr leje për të arrestuar një kriminel.
“Në një republike demokratike, nuk ka pse të ketë një instancë sipërore për të arrestuar një kriminel. Ne i Bindemi Kushtetutës dhe ligjit. Në një republikë demokratike, për të arrestuar një kriminel, nuk ka pse të ketë instancë sipërore. As unë nuk e di kur arrestohet një kriminel. Ka arrestime që unë i shoh saktësisht në të njëjtën kohë kur …. Kur e keni marrë vesh ju, e kam marrë vesh unë. Veprimet operacioale, kur duhet të arrestohet dikush, nuk janë punë e imja dhe as e ndonjë zyrtare ndërkombëtare. Sundimi i ligjit është punë e policisë operacionale. Nuk duhet të politizohen operacionet policore. Nuk bëj dot pazare në kurriz të kushtetueshmërisë. Sundimi i ligjit në Veri të Kosovës, nuk mund të jetë special, në krahasim me pjesën tjetër. Policia e zbaton ligjin, si në veri të Kosovës, ashtu edhe në pjesë të tjera. Sundim i ligjit, jo sundim me ligjin. Ne jemi në këto pozita shtetërore sepse Kosova është republike demokratike. Kur të duan, ta bëjmë takimin por nuk mund të shndërrohen në shkelës ligji. Në dialog i gatshëm. Në Kosovë. Ligj edhe kushtetutë,” tha Kurti para gazetarëve.
