“Kur do flasim?”, ishte kjo pyetja që Kryeministri Edi Rama kishte këtë të premte për Kryetarin e Partisë Demokratike, Lulzim Basha. Pyetjen, kreu i qeverisë e drejtoi nga Samiti i Dytë i Diasporës, ku i ftuar për të mbajtur fjalën e tij ka qenë edhe Basha, por lideri i opozitës ka refuzuar me argumentimin “për të mos u bërë fasadë”.
Por ftesën për bisedime me opozitën, e paralajmëroi një ditë më parë në studion e emisionit “Opinioin” analisti Lorenc Vangjeli.
Ky i fundit do të deklaronte të enjten në “Opinion”: Kryeministri i Republikës së Shqipërisë, zoti Edi Rama shumë shpejt kam përshtypjen do bëjë një ftese publike për opozitën. Për opozitën zyrtare, sepse kam përshtypjen se ai e di shumë mirë se është kryeministër i asaj pakice që e kundërshton. Madje më së pari është kryeministër i asaj pakice që e kundërshton./ Opinion.al
