Një 38-vjeçar bullgar është vënë në pranga nga policia në Morinë, pasi gjatë kontrollit në automjet iu gjet e fshehur një sasi lënde narkotike.
Uniformat blu njoftojnë se u arrestua shtetasi I. G., i cili ishte edhe rezident në Angli.
Policia ka sekuestruar lëndën narkotike.
“Shërbimet e Policisë Kufitare Morinë, në bashkëpunim me shërbimet e DVP Kukës, në vijim të kontrolleve për goditjen e paligjshmërive në kufi, bazuar në analizën e riskut dhe në kontrollet me përzgjedhje, në hyrje të RSh-së, kanë kaluar në vijën e dytë, për kontroll më të imtësishëm, automjetin tip “Benz”, me drejtues shtetasin bullgar I. G.
Gjatë kontrollit të ushtruar në automjetin e këtij shtetasi, shërbimet e Policisë gjetën të fshehura dhe sekuestruan sasi të lëndëve të dyshuara narkotike kokainë dhe cannabis sativa.
Në përfundim të veprimeve hetimore, specialistët për Hetimin e Krimeve të DVP Kukës arrestuan në flagrancë drejtuesin e automjetit, shtetasin bullgar I. G., 38 vjeç, rezident në Angli”, njofton Policia.
Materialet procedurale i kaluan Prokurorisë, për veprime të mëtejshme./Opinion.al
