Policia e Amsterdamit ka gjetur 1.3 milionë euro të fshehur në një ndarje të fshehtë brenda rrotës rezervë të makinës së një shpërndarësi të dyshuar droge , shkruan dutchnews.nl.
32-vjeçari nga Shqipëria ishte njëri nga tre personat e arrestuar javën e kaluar në kuadrin e një hetimi për drogë në qytet.
Policia e arrestoi atë dhe dy të tjerët, një burrë 36 vjeç dhe një grua 20 vjeçe, pasi u kontrolloi shtëpinë në distriktin Slotevarc të qytetit.
Nga kontrolli u gjetën 13 kg kokainë, një armë, thika dhe 40 mijë euro. Paratë u znbuluan kur një qen nuhatës shkoi në vendin e ngjarjes.
Paratë u gjetën në një ndarje të posaçme të ndërtuar në makinë. Gruaja u lirua, por burrat u mbajtën në paraburgim. Ata dyshohen për shpërndarjen e drogave të forta dhe pastrim parash.
