Gani Çekrezi, një artist nga Tirana, është frymëzuar nga ndeshjet e kombëtares në finalet e “Euro 2016”. Më konkretisht, ai ka pasur “muzën” e duhur për të bërë diçka speciale, të veçantë dhe mjaft domethënëse në prag të duelit FrancëShqipëri, që do të luhet nesër mbrëma, në orën 21:00, në “Velodrome”.
Bëhet fjalë për disa piktura të tij, që ngërthehen në një, si konluzion. Në qendër të “metaforës” së pikturës së tij është simboli i një shteti si Franca, vendi organizator i Europianit, Kulla Eifel.
Po ashtu, simbolet e të dyja kombëtareve, teksa transalpinët identifikohen me “gjelat”, ndërsa kuqezinjtë me “shqiponjat”. Pra, artisti shqiptar, Çekrezi, e ka parë këtë ndeshje si një ballafaqim mes gjelave dhe shqiponjave, për “pushtimin” e Kullës Eifel, të lartësive. Sikurse duket edhe në pikturën e tij përmbledhëse, shqiponja, me plis në kokë, që simbolizon Shqipërinë, është ulur në majën e Kullës Eifel, duke e përkulur dukshëm atë. Nga ana e tij, gjeli, që simbolizon Francën, e shikon nga poshtë, në tokë, në këmbët e Kullës Eifel. Diçitura e një kompozimi të tillë mbresëlënës është: “Gjelat në tokë, shqiponjat në qiell…”
