Mark Frroku ka dalë sot para togave të zeza në seancën e radhës që po zhvillohet ndaj tij në Dhomën Penale të Gjykatës së Tiranës. Frroku ka shpërthyer sërish në akuza ndaj prokurorëve. “Janë “tendencioze, brutale dhe politike akuzat ndaj meje ka thënë ai”, ndërsa ka theksuar se bashkë me familjen e tij ka punuar me ndershmëri. Ndërsa në një moment është shprehur “unë kam punuar me ndershmëri në politikë dhe biznes por nuk e di pse prokurorët më shohin si alien”.
Ish-deputeti ka hequr dorë nga gjykimi shkurtuar pasi avokati i tij Tonin Prendi kërkoi të hidheshin poshtë një sërë aktesh të dosjes së paraqitur për gjykim nga Prokuroria, si për shembull një akt- ekspertimi kontabël të pasurisë së ish-deputetit.
Mark Frroku është arrestuar prej më shumë se një viti.
