Kandidati republikan Donal Trump ka anuluar takimin e tij në Çikago. Ai është detyruar ta bëjë këtë pas tensionimit të siituatës në Universitetin e Çikagos ku pritej të mbahej takimi me votuesit.
Një grup njerëzish ishin mbledhur për të kontestuar Trump dhe miliarderi anuloi takimin për të shmangur përshkallëzimin e situatës.
Mes kundërshtarëve të Trump kishte shumë studentë dhe mijëra mbështetës të kundërshtarëve të tij. Kur pritej që Trump të hynte në sallë, njëri prej personave ta angazhuar në fushatën e miliarderit doli në podium dhe njoftoi se takimi ishte anuluar për “arsye sigurie”.
Deri më tani, nuk është njoftuar nëse Trump do të mbajë takimin në një datë tjetër.
