Modeli “Rama” i zgjedhjeve në parti është komentuar edhe në Francës. Ish-ministrja e Kulturës, Aurélie Filippetti, kundërshtare e presidentit Francois Hollande kanë shprehur shqetësimin se këto “primare” po organizohen vetëm për të legjitimuar Hollande dhe jo për të bërë një garë reale. Në një artikull në gazetën Le Parisien, ajo flet për rrezikun e “primareve alla shqiptare”, të organizuara vetëm për të religjitimuar Francois Hollande.“Ata ëndërrojnë primare alla shqiptare: një kandidat i vetëm, Francois Hollande dhe asnjë kandidat të spikatur”, është shprehur Filippetti.
Partia Socialiste e Francës e ka shtyrë për në qershor vendimin nëse do të ketë një apo disa kandidatë. Sekretari i Parë dhe disa të afërm të presidentit të vendit janë shprehur pro kandidaturës së vetme të Franois Hollande.
Por sipas ish –ministres Filippetti, në këtë mënyrë socialistët po mbysin garën brenda partisë, akuza këto të njëjta të bëra në Shqipëri nga deputeti Ben Blushi dhe disa deputetë të tjerë kundër Edi Ramës, pasi ai vendosi të mos lejojë garën për kreun e partisë. /Lapsi
