Prej disa muajsh “jelekëverdhët” kanë vijuar protestën e tyre për ulje të taksave në Francë.
Ndërkohë, protestave të tyre u janë bashkuar dhe një grup artistësh, të cilët kanë marshuar me një pankartë të madhe ku shkruhej “Ne nuk jemi budallenj”.
Më herët, në median “Liberation”, aktorë me famë ndërkombëtare si Juliette Binoche dhe Emmaunelle Béart, shkrimtarë përfshirë Édouard Louis dhe Annie Ernaux, si dhe 1 400 figura të tjera botërore i dhanë përmes një letre të hapur mbështetjen e tyre një lëvizjeje, të cilën, siç theksuan ata, autoritetet po përpiqen ta diskretitojnë.
Producenti Christian Pfohl shprehu mbështetjen e tij duke thënë se ata nuk janë shkëputur nga protestuesit.
“Ne nuk jemi të shkëputur nga këta njerëz, ne jemi pjesë e tyre. Prandaj dhe ne apelin që kemi lëshuar theksohet se “ne jemi protestues jelekverdhë.
“Ne deshëm të bëjmë një gjest publik, deshëm ta bëjmë këtë për jelekët e verdhë. Pamë njerëz të qanin kur lexuan letrën tonë, njerëz që ishin prekur vërtet shumë prej saj; teksti po shpërndahet gjithandej dhe atyre u nevojitej një gjë e tillë”, thotë producenti.
Më herët, presidenti francez Emmanuel Macron, është shprehur se do të shqyrtojë kërkesta e tyre dhe do të rishikoj ulje e taksave. Por, mesa duket kjo nuk i ka bindur “jelekëverdhët”, të cilët kanë vijuar protestat në Paris dhe qytete të tjera./ Opinion.al E.Xh.
