Më shumë se 700 persona të stafit të “Airbus Atlantic” besohet se janë sëmurë pas darkës së Krishtlindjeve të kompanisë, kanë thënë autoritetet shëndetësore në Francë.
Punonjësit kanë pasur probleme shëndetësore si: të vjella dhe diarre, shprehen mjekët.
Është e paqartë se çfarë përbërësi ndodhej në menynë e festës festive e cila u kthye në “helmin” e natës së Krishtlindjeve.
Megjithatë, Airbus tha për BBC se vetëm “rreth 100 personel” u sëmurën.
Në një deklaratë, ajo tha se po bashkëpunonte me autoritetet “për të identifikuar shkakun e sëmundjes dhe për të siguruar që kjo të mos ndodhë më në të ardhmen”.
“Airbus Atlantic” është një degë e prodhuesit më të madh të avionëve në botë, Airbus, dhe punëson 15,000 njerëz në pesë vende.
Autoritetet nuk dhanë detaje rreth asaj se çfarë ushqimi mund t’i kishte sëmur njerëzit në darkën, e cila u zhvillua javën e kaluar, por tha se pjesëmarrësit në darkë shfaqën “shenja klinike të të vjellave ose diarresë”.
Një hetim ishte duke u nisur për të gjetur burimin e helmimit masiv me ushqim, tha organizata.
Grupi më i gjerë i Airbus punëson 134,000 njerëz dhe ofron produkte dhe shërbime në industrinë e avionëve, helikopterëve, mbrojtjes, hapësirës dhe sigurisë.
Në një incident të veçantë në Francë në fillim të këtij viti, një numër njerëzish u sëmurën dhe një shtetas grek vdiq, pasi u helmua në një restorant në Bordo./Opinion.al
