Sa shanse ka Shqipëria për tu kualifikuar në Europian? Minimalisht që të fitojë vendin e tretë më të mirë që e çon më tej dhe të marrë tre pikë. Sipas Sekretarit të Federatës Ilir Shulku për të qenë e treta më e mirë Shqipërisë i duhen 4 pikë, një fitore një barazim, për të qenë i sigurtë.
Kurse Astrit Hafizi shikon si rivalë direkt Zvicrën dhe Rumaninë, të cilët janë ekipet me të cilat Shqipëria mund të marrë pikë dhe mund të kalojë më tej si ekipi i tretë më i mirë në grupe.
Për Artan Shytin do ishte mirë të fitonim me Zvicrën, të barazonim me Rumaninë dhe nuk do të ishte hata e madhe nëse do të mundeshim nga Franca. Për Berat Buzhalën, ekipi i parë në përfundim të ndeshjeve në grup do të jetë Zvicra. Ndërsa rrezik për Shqipërinë do të përbëjnë Franca dhe Zvicra.
