Nuk ka një grup që mund të thuhet “ferri” në shortin e hedhur pasdite në Paris. Në grupin A Franca nuk do të ketë një shëtitje të lehtë me Rumaninë, Shqipërinë dhe Zvicrën, gjithsesi shikohet si një nga skuadrat që mund të kalojë më tej.
Në grupin B, Anglia do të provojë edhe njëherë të fitojë një kampionatin Europian, ku në grup do të ketë Rusinë, Sllovakinë dhe Uellsin.
Në grupin C, Gjermania do ta ketë më të vështirë me Ukrainën, Poloninë dhe Irlandën e Veriut, por jo të pamundur për të qenë kokë e grupit.
Në grupin D, Spanja duket se do të ketë një rrugë të qetë, të paktën në grup ku do të përballet me Turqinë, Çekinë dhe Kroacinë që kanë treguar se janë një hap më pas iberikëve.
Grupi mund të thuhet se është edhe grupi i “ferrit’ pasi në garë janë katër ekipe të forta duke filluar nga Italia. Belgjika. Suedia dhe Irlanda, çka tregon për një garë interesante.
Grupi F, ose grupi i fundit duket më i lehti, të paktën për Portugalinë që do ndeshet Islandën, Austrinë dhe Hungarinë.
Sipas rregullores së kompeticionit më tej kalojnë dy ekipet e para të grupeve, si dhe katër të tretat më të mirat të grupeve. Një shans që mund ta ketë edhe Shqipëria nëse arrin të marrë të paktën 4 pikë.
