Ministria e Shëndetësisë në Francë ka reaguar pas publikimit të informacioneve të rreme, ku thuhej se kokaina dhe alkooli ndihmojnë për t’u mbrojtur nga koronavirusi (Covid-19).
Përmes një postimi në rrjetet sociale, kjo ministri shkruan; “Jo, kokaina nuk mbron nga koronavirusi. Është një drogë që krijon varësi dhe shkakton efekte negative serioze.”
Përpos kësaj këshille, autoritetet franceze kanë publikuar edhe njoftime të tjera me qëllimin që qytetarët të shmangin informacionet e pasakta rreth virusit.
Ministria gjithashtu i siguroi francezët se koronavirusi nuk përhapet përmes pickimit të mushkonjave dhe se produktet dezinfektuese nuk shkaktojnë kancer./ Opinion.al
