Gjesti i shëmtuar i ka shpëtuar fillimisht vëmendjes së publikut për shkak të festimeve për një fitore të marrë me dhunë në minutat e fundit të një ndeshje shumë të vuajtur kundër Shqipërisë.
Ndërsa Payet vraponte për të kërcyer sipër flamurit të këndit, për të festuar golin e 2-0, që i ka siguruar kualifikimin në fazën e 1/8-ave ekipit të Deschamps, Pogba ka bërë një gjest kundër gazetarëve.
Ka qenë thjesht një moment, por që nuk i ka shpëtuar kamerave dhe rrjeteve sociale. Tani lojtari bardhezi rrezikon masa disiplinore. Polemikat kanë filluar, me ndërhyrjen e zëvendës sekretarit të sportit Thierry Braillard, që edhe pse ka pranuar se nuk e ka parë gjestin e Pogba, ka kujtuar se “detyra e lojtarëve është të japin shembullin e mirë. Nëse ka bërë atë gjest, duhet të ndëshkohet”.
Lojtari i Juventus e ka nisur ndeshjen e djeshme nga stoli dhe gjatë ditëve të fundit është kritikuar shumë nga shtypi vendas për paraqitjet e tij nën nivelin mesatar, pavarësisht krahasimeve, që tani duken jashtë vendit, me Platini dhe Zidane, heronjtë e Francës që kanë fituar Europina (’84) dhe Botërorin (’98) në shtëpi. Ndërsa Pogba ka zhgënjyer, pjesërisht, në ndeshjen e parë kundër Rumanisë dhe më pas është ndëshkuar nga trajnerit sepse ka shkuar me vonesë në drekën e skuadrës dhe sepse ka pasur veshur shapka, duke mos respektuar rregulloren e brendshme të “Bleus”.
Qëndrimi i tij në stol në ndeshjen kundër Shqipërisë ka shtuar kritikat dhe presionin ndaj lojtarit, i cili në minutën e ’96-të ka vendosur të shfryhet ndaj gazetarëve. Tani duhet kuptuar se çfarë do të ndodhë me mesfushorin, duke parë se gjatë Euro 2012 Nasri është ndëshkuar kur i ka kërkuar gazetarët të mbyllnin gojën, duke vënë gishtin tregues para gojës pas një goli të shënuar ndaj Anglisë.
Lojtari i City-it është pezulluar për 3 ndeshje, por pas përfundimit të runeut. Në të kaluarën, pikërisht në “Velodrome”, edhe Dugarry është shfryrë drejt tribunës së shtypit, duke nxjerrë gjuhën. Ish-lojtari i Milan ka marrë vetëm një qortim verbal.
[fbvideo link=”https://www.facebook.com/allfootygoals/videos/252066168496316/” width=”500″ height=”400″ onlyvideo=”1″]
