Policia dhe hetuesit antiterrorist kanë paralajmëruar për mundësinë që disa grupe të vogla të ekstremistëve janë larguar nga Siria për në Francë dhe Belgjikë për të bërë disa sulme.
Shërbimet belge të inteligjencës u kanë dërguar një letër homologëve francezë në lidhje me grupet e mundshme terroriste që mund të kenë në plan për të sulmuar.
Kurse autoritetet franceze vazhdojnë të jenë shumë të kujdesshëm sa i përket informatave të tilla pasi që tashmë paralajmërimet për sulme të mundshme terroriste janë bërë rutinë për francezët.
Franca tashmë është në gatishmëri të lartë për shkak se eskstremistët e të ashtuquajturit Shtet Islamik kishin sulmuar dy herë Parisin vitin e kaluar, por Franca po vazhdon të jetë e kërcënuar sidomos tani gjatë kohës së Kampionatit Evropian.
