Fabio A., 21 vjeç po kthehet në apartamentin e tij pasi mori pjesë në ceremoninë e organizuar për nder të viktimave të sulmeve në Bruksel.
Ai jeton me nënën e tij, përballë shtëpisë ku javën e kaluar u arrestua Salah Abdeslam.
“Motra erdhi dje në mëngjes të më merrte me makinë për të shkuar më pas në punë. Por zakonisht përdor metronë.”
Shoku i tij i ngushtë Niko “mbeti në metro”. Në nder të mikut, ia vendosi një flamur italian në Grote Markt.
“Edhe Niko ishte italian. Dy ditë më parë po festonin ditëlindjen së bashku. Ende nuk e kuptoj dot se ai ka ikur. Jam i mërzitur, por edhe i zemëruar”.
Fabio njihte dhe Salah Abdeslam, i vetmi i akuzuar për sulmet në Paris që është ende gjallë. Ai e përkufizon atë si “një djalë të shkëlqyer”.
“Salah është një djalë i mirë, vërtetë. Nuk mund të gënjej për këtë. A mund them se ai ka ndryshuar? Jo, në të vërtetë jo.”
“Ishte vëllai i tij që e njohu me radikalët. E gjitha me premtimin për të marrë para”, tregon Fabio.
