Shqiptari i cili përplasi makinën me një dyqan për servis kopjuterash gjatë ndjekjes nga policia është dënuar me 25 vjet burg.
Ai është Tristen Asllani, 29 vjeç, i cili shkaktoi dhjetëra mijëra paund dëme nga aksidenti i ndodhur më 25 janar.
Tristen Asllani Oficerët e policisë po mbanin në përgjim Asllanin në momentin që i dorëzoi një valixhe Arbër Beqajt, 24 vjeç. Më vonë u zbulua se në valixhe kishte 12 kg kokainë.
Policët më pas panë që Beqaj u largua me drogën me taksi bashkë me Ndricim Musaj, 24 vjeç. Oficerët ndërhynë duke i arrestuar dhe sekuestruar drogën.
Ndërkohë, Asllani mori një tjetër valixhe nga shtëpia dhe u largua. Kur ai kuptoi se po ndiqej nga policia rriti shpejtësinë e makinës në tentativë për t’u larguar.
Por, tentativa ishte e dështuar pasi u përplas me një dyqan në anë të rrugës.
Më pas Asllani u kap nga policia pak metra larg vendin të aksidentit në tentativë për t’u fshehur.
Në makinë atij iu gjetën 21 kg kokainë të tjera. Ndërsa gjatë kontrollit në shtëpinë e tij në Avenue Road, u gjetën gjithashtu dhe 16.5 kg kanabis si dhe një armë scorpion me silenciator.
Në fund të gjyqit për shqiptarët, Asllani u dënua me 25 vite burg (11 vite për drogë dhe 14 për armëmbajtje).
Panorama
http://www.dailymotion.com/video/x4ndl68_crouch-end-car-chase-crash-accident-video_news#tab_embed
