Në seancën gjyqësore që pritet të mbahet ditën e enjte në qytetin Mulhouse të Francës, lideri i AAk-së Ramush Haradinaj nuk ka të drejtë të mbrohet nga avokati i tij, Arianit Koci, por nga një avokate franceze.
Ky i fundit në intervistën dhënë RTV Dukagjini, bëri me dije se Haradinaj do të mbrohet nga avokatja franceze Rachel Lindon, ndërsa ai pritet të jetë i pranishëm, por në cilësinë e asistentit të saj.
“Ligji në Francë nuk lejon që një avokat i huaj të mbrojë një person që gjykohet në këtë vend. Prandaj, Rachel Lindon do të jetë avokatja që do ta mbrojë zotin Haradinajn në seancën e së enjtes”, ka thënë Koci.
“Unë do të jem aty për ta asistuar atë. Ajo është një avokate parisiene, dhe e profesionalizuar në çështjen e ekstradimeve”, ka shtuar Koci.
Ramush Haradinaj u arrestua më 4 janar, në Aeroportin ndërkombëtar Basel-Mulhouse, në pjesën franceze të tij. Nëpërmjet një deklarate për shtyp, AAK ka dënuar arrestimin e Kryetarit të saj duke e quajtur atë një veprim krejtësisht të padrejtë dhe të papranueshëm.
Ne 2015-ën, lideri i AAK-së ishte arrestuar edhe në Slloveni, arrestim ky i bazuar po në fletë arrestin e Interpolit, lëshuar nga policia e Serbisë në vitin 2006. Haradinaj, asokohe po udhëtonte tranzit drejt Kosovës, nga Gjermania dhe u ndalua në aeroportin e Lubjanës.
*foto te avokates gjate seancave gjyqesore
