Sezoni i plazhit është ai i preferuari për vajzat VIP, të cilat punojnë fort gjatë dimrit në palestër për të treguar linjat e tonifikuara në Jug.
Aktorja e njohur, Olta Gixhari, është ndër të parat që e nis sezonin e bikinit në plazhin e preferuar të Dhërmiut, ku dhe është fotografuar nga paparaci ynë. Një vit nga vera e kaluar, kur fotot e tradhtuan për linjat e saj, Olta shfaqet me mjaft përmirësime në format trupore.
Rroba banjat me ngjyrë të theksuar e bëjnë të bjerë në sy në zonën e shezlongëve ku po merrte rreze, por shpesh preferonte të futej edhe në det. Nga fotot që shihni të shkrepura në parakalimet e biondes së teatrit, dallohet mirë ndryshimi në trupin e saj, sidomos në pjesën e barkut, që duket tani i sheshtë, dhe në pjesën e gjoksit që është më i ngritur. Olta prej muajsh ushtrohet në palestër, ndërkohë që sipas saj vrapi dhe ritmi i ditës e kanë ndihmuar të humbë kilogramë.
Ajo ka treguar se nuk është tipi i dietave, pasi i pëlqen ta shijojë ushqimin, madje dhe në mesnatë. Tani i është dorëzuar pushimit pas premierës “Sonte do të luajmë pa tekst”, që u vu në skenën e Teatrit Kombëtar në mbyllje të sezonit.
Së fundi ajo u komentua në media për ndarjen nga i dashuri 23-vjeçar, Xheku, marrëdhënie për të cilën nuk foli asnjëherë hapur. Dalja e saj e fundit në publik ishte në tapetin e kuq të “Top Music Awards” në Pallatin e Kongreseve, ku u pa të parakalonte e vetme, pa partner.
