Luana Vjollca kërkon gjithmonë e më shumë perfeksion në pamjen e saj. Moderatorja më e komentuar e “Top Channel” flitet se ka bërë një ndërhyrje kirurgjikale në hundë, duke e zvogëluar dukshëm. Biondja simpatike e ka bërë operacionin estetik pak javë më parë në një nga klinikat e njohura të Tiranës, dhe në fshehtësi të plotë.
Edhe pse nuk e kemi parë të shkëputet nga ekrani, e vërteta është që një puntatë te “E Diell” Luana e ka realizuar me regjistrim, duke i dhënë vetes kohën e mjaftueshme për të bërë ndërhyrjen në klinikë dhe për t’u rikuperuar.
Prezantuesja e emisionit të së dielës është parë të frekuentojë një prej klinikave private të Tiranës, ku dhe mund të ketë vendosur t’i nënshtrohet operacionit estetik në hundë.
Edhe pse për ndërhyrjen e Luanës është përdorur teknika më e re dhe e fundit, prapë asaj i janë dashur disa ditë regjim për t’u shëruar dhe për të arritur rezultatin final, pikërisht një hundë më e vogël dhe paksa e ngritur. Sipas burimeve tona të sigurta, Luana kishte kohë që e mendonte operacionin me dëshirën për të qenë sa më perfekte në çdo gjë, dhe për të mos iu trembur objektivit të kamerës në profil, pa pasur ankthin se mund t’i dukej hunda pak e madhe. Fotot krahasuese para dhe pas ndërhyrjes, dëshmojnë ndryshimin e dukshëm që ajo s’mund ta fshehë. Luana u kthye në qendrën e vëmendjes mediatike gjatë intervistave me futbollistët e Kombëtares, veçanërisht me kapitetin Lorik Cana dhe Bekim Balajn. Me të dy futbollistët Luana shkëmbeu batuta ngacmuese, të cilat u komentuan në media si flirtime për show.
