Është folur pa fund në media e rrjete sociale për ndarjen e çiftit më të famshëm të Hollivudit, Angelina Jolie dhe Brad Pitt. Disa media shkuan deri aty sa publikuan edhe dokumentin e divorcit mes çifit.
Por askujt nuk i kishte shkuar ndër mend se martesa e “thyer” e çifitit do të kthehej në burim frymëzimi për një kompani biznesi- më saktësisht për Linjën Ajrore Norvegjeze dhe fushatën e tyre më të fundit.
Duke u përpjekur të bindin klientët që të prenotojnë bileta drejt Los Angelos-it, ata kanë menduar një slogan të pazakontë: Brad is single…-Bradi është beqar…
Duke i kujtuar klientëve se aktori simpatik është beqar, kompania bën thirrje për fanset e çmendura të aktorit të marrin në konsideratë faktin se tani mund të prenotojnë një fluturim shumë të lirë drejt adresës së aktorit, për vetëm një biletë 169 paund.
Kompania ka ndjekur kështu një strategji të pazakontë për ta përdorur ngjarjen më të përfolur të botës së yjeve, në interes të promocionit të saj.
Por gjithsesi, vajzat e pasionuara pas fluturimeve, kanë deklaruar se me apo pa Brad Pitt, Los Angeles ngelet një qytet magjepsës…
