“Ata shkojnë të heshtur, dikush me lule në duar e dikush duke lënë një shënim në librin e kujtimeve apo duke thënë një lutje teksa bën kryqin”.
Kështu nis shkrimi i agjencisë italiane ANSA, dedikuar Valeria Solesin, e vrarë nga terroristët në Paris.
Familja e saj përpiqet ta përballojë me dinjitet dhimbjen, ndërsa i jep respektet e fundit, i gjithë qyteti i Venecias.
Valeria Solesin u qëllua me plumbat e parë nga armët e terroristëve në Paris, ndërsa ishte bashkë me të fejuarin Andrea Ravagnani, në krahët e të cilit dha shpirt, teksa ai përpiqej ta mbronte.
