Në kulmin e sezonit turistik që edhe këtë vit nuk u ngrit aty ku duhet të ishte, apo aksidenteve dhe vrasjeve që zgjojnë dhe ngrysin lebetitshëm vendin, apo rrënimit ekonomik që sa vjen edhe bëhet më i prekshëm, Kryeministri Rama ka gjetur kohën të merret me hënën e plotë. Në një postim të sapofundit në profilin e tij në fb kryeministri duket se po kalon pushime të pashqetësuara në Dhërmi. Aq të pashqetësuara sa i vetmi “shqetësim artistik” i vertetë që ai ka në këto ditë është ardhja e hënës së plotë, një fenomen për të “i rrallë” yjor, që ai s’mund ta lejë kurrsesi pa e evidentuar edhe pse shtëpia që ai drejton prej tre vitesh i ka zënë ferra derën dhe vetëm flaka i mungon. Po hëna ku është në foto, do të thotë dikush, ndërsa shikon foton e postuar nga Kryeministri?!!!
