Menjëherë pas marrjes së vendimit nga oficerët e sigurisë së FIFA-s për pezullimin e ndeshjes midis Shqipërisë dhe Maqedonisë për shkak të kushteve të vështira atmosferike, lojtarët e Kombëtares sonë janë drejtuar për në katin e katërt të stadiumit aty ku ndodhet zona e restorantit. Ashtu siç tregojnë edhe këto foto ku shikohen të lëvizin drejt kësaj zone. Ndërkohë që ka akoma diskutime midis përfaqësuesve të stafit shqiptar dhe maqedonas se kur do të luhet ndeshja.Pala shqiptare ka kërkuar që minutat e mbetura të ndeshjes të luhen në orën 14.00 ndërsa ajo maqedonase në orën 16.00. Në këtë rast do të jetë FIFA ajo që do të vendosë se kur do të riluhen minutat e mbetura të ndeshjes.
