Gjetja e konsensusit për reformën në drejtësi nga forcat politike, nuk ka kaluar pa zbutur gjakrat edhe brenda familjeve politike.
Në foton e mëposhtme, vihet re deputeti i PS, Vladimir Kosta me ministrin e Financave Arben Ahmetaj të qeshur dhe të gatshëm për të votuar reformën në drejtësi.
Vlen të theksohet, se pak kohë më parë, deputeti Kosta bëri dhe një letër të hapur ku shprehte pakënaqësitë në lidhje me sjelljen e kryeministrit Rama, por mes rreshtash ai ka kritikuar ashpër edhe ministrin Ahmetaj.
Mirëpo, Vladimir Kosta sot shihet i buzëqeshur në krah të tij, duke lënë përshtypjen, se kritikat e bëra publike në adresë të ministrit Ahmetaj dhe kryeministrit Rama janë korrigjuar dhe me shumë gjasa nuk do përsëriten më.
