Kur kanë mbetur më pak se katër orë nga starti i Derbit të Madh midis Partizanit dhe Tiranës, tifozeritë e të dyja skuadrave kanë nisur ngacmimet në distancë
Në orën 13:45, tifozët e Partizanit kanë bërë provokimin e parë karshi tifozëve të Tiranës. Ata janë futur në tribunën ku do të qëndrojnë tifozët e Tiranës dhe kanë shkruar: “Gay Sector” dhe disa emërime të tjera ofenduese duke e ndezur edhe më shumë atmosferën
Ndërsa në faqen e tyre në fb kanë vendosur një foto nxitëse ku duan të tregojnë se janë ata që “komandojnë” kryeqytetin. Në foto shihet flamuri i Partizanit që valvitet në kalatë e kryeqytetit dhe sipër fotos është mbishkrimi: MBRO QYTETIN – FITO BETEJËN !
Në krahun tjetër, tifozët e Tiranës dhe grupimi i famshëm “Tirona Fanatics” e kanë nisur ditën me njoftimin drejtuar fansave bardheblu duke i ftuar ata që të bashkohen me grupin në orën 15:00 për t’u grumbulluar sa më shumë dhe për të vazhduar më pas marshimin drejt stadiumit.
