Protesta e sotme e opozitës në parkun e Liqenit në Tiranë përfundoi në përplasje fizike me policinë.
Disa qytetarë humbën ndjenjat.
Një fëmijë shihej tek freskohej me ujë, pas një gjendjeje asfiskie.
Këshilltari i Partisë Demokratike në Këshillin bashkiak të Tiranës Leonard Olli, mori një goditje në këmbë dhe u transportua i plagosur për te urgjenca.
Një polic, u vu re, teksa i kap në ajër grushtin deputetit Gent Strazimiri, që u raportua se mbante gjithashtu një pistoletë në brez.
E në gjithë këtë gjullurdi të madhe që protesta e opozitës shkaktoi në këtë ditë të sotme, të vetmit që se trazuan fare ishin pensionistët tek luanin domina për qejfin e tyre, pa prishur aspak terezinë.
