Fasada e stadiumit kombëtar “Qemal Stafa” është shembur tashmë, edhe pse ishte konsideruar monument kulture i kategorisë së dytë, kjo fasadë nuk u ruajt shtu sicc ishte premtuar. Fotoja më poshtë tregon se si gjatë prishjeve për ndërtimin e stadiumit të ri, fasada është shkatërruar e gjitha.
Stadiumi “Arena Kombëtare” që do të ndërtohet pritet të ketë një kapacitet prej 22.500 spektatorë. Stadiumi do të jetë i kategorisë 4, sipas standardeve të UEFA-s (kategoria maksimale) dhe punimet pritet të përfundojnë brenda 24 muajsh, dhe ky projekt që në fillim të prezantimit të tij ka sjellë jo pak përplasje për këtë vendim. Por më 22 qershor gjatë inspektimit të punimeve për këtë projekt ministrja e Kulturës Mirela Kumbaro bëri të ditur se projekti ruan dhe respekton historinë kulturore dhe sportive të stadiumit “Qemal Stafa”, pasi ruan pjesën e fasadës, e cila integrohet në projektin e ri. “Jemi përballë fasadës në të cilën kemi pikërisht pjesën e konsideruar si monument kulture nga vendimi i fundit i Këshillit Kombëtar të Restaurimeve. Kemi bashkëpunuar me studion e arkitektëve të cilëve iu është bashkuar ekspertiza e Palazzo Spinelli-t. E reja është që në rezultatin e fundit që do të vijë të prezantohet para KKR-së javën që vjen, fasada do të ruhet siç është, jo vetëm do të ruhet por do të jetë pamja ballore e stadiumit dhe do të jetë edhe funksionale për të shërbyer për të njëjtin funksion hyrës siç ka shërbyer gjithë këto vite. Ne kemi ruajtur këtë projekt, e konservojmë të plotë dhe e risjellim në projektin e ri kështu siç është”, deklaroi ministria Kumbaro atë ditë.
