Theo Hernandez është ulur në një stol duke qeshur. Dy xhuxhë të veshur me fanellat e Real Madrid dhe kapele policie i vijnë nga mbrapa dhe bëjnë sikur duan ta arrestojnë.
Njëri prej të dyve mban një pistoletë të drejtuar te koka e Theo-s, e cila shpresojmë të ketë qenë plastike, dhe futbollisti me sa duket po kënaqet shumë nga kjo surprizë.
Kështu pra e ka festuar ylli i Real Madrid datëlindjen e tij, ai ka mbushur 20 vjeç. Por kur sheh këtë foto, të gjithë pyesin veten: Me të vërtetë e ka?
Nëpërmjet profilit të tij në Instagram, mbrojtësi ka postuar fotot e festës, duke shkruar: “Faleminderit për urimet, ishte një ditë e paharrueshme.”
Mbrojtësi i lindur në Marsejë, është transferuar te Los Blancos gjatë këtij sezoni për 30 mln euro nga Atletico Madrid.
