Zlatan Ibrahimovic është relaksuar me shokët e tij të PSG-së me një “minivaciones” në qytetin amerikan të Las Vegasit. Destinacioni i zgjedhur nga stafi dhe skuadra kampione e Francës është i famshëm për festivalet dhe kazinotë e tij. Imazhet që kanë rrjedhur në mediat britanike, fillimisht, janë ato të Ibrës, i zhytur në një “pool party”. Ylli i PSG-së është parë i rrethuar nga vajzat dhe madje duke shkëmbyer fotot në telefon me njërën prej tyre.
Lojtarët e skuadrës pariziene do të gëzojnë në “Encore Las Vegas”, si pjesë e mini-pushimeve të tyre. Me titullin e fituar në Francë, të eliminuar nga Liga e Kampionëve, parizienët e PSG-së duken të justifikuar. Ky ishte një vit i qetë për ta. Pasi u kurorëzuan kampionë të “Ligue 1” më 13 mars, pas fitores 9-0 në Troyes, pas eliminimit nga Championsi në çerekfinale, nga Manchester City, edhe pse pritshmëritë ishin të larta, lojtarët e PSG-së duken të çliruar. Një nga disa të panjohura, që fluturojnë mbi Paris, përpara këtij fundsezoni, është nëse Ibrahimoviç do të vazhdojë me ta apo jo.
