Këngëtarja e famshme nga Tetova, Besiana Kasemi, e njohur me emrin artistik Big Mama, që në moshën 7 vjeçare ka filluar të këndojë në klubin muzikor “Klubi i fëmijëve të lumtur”
Më pas ka vijuar shkollën fillore dhe të mesme të muzikës në Tetovë dhe në të njëjtën kohë ka qenë aktive nëpër festivale të fëmijëve, ku do të përmendim festivalin “Bletëzat” 97 pastaj festivalin “Bilbilat këndojnë” e shumë të tjerë.
Po ashtu ka qenë valltare në ansamblin “Zeladin Zeqiri” në Tetovë për dhjetë vite me radhë. Më vonë, respektivisht në vitin 2001 ishte debutuese në festivalin “Nota Fest” dhe për 3 vjet radhazi mori pjesë në këtë festival derisa fitoi vendin e pare, shkruan “Kosovarja”.
Karriera e saj vazhdon dhe ajo mbetet një format ndryshe në estradë. Thuhet se Big Mama jeton në një familje tejet fetare, bile babai i saj është haxhi.
