Një shqiptar është arrestuar nga policia britanike pasi u kap me 128 mijë euro në makinë. Vladimir Cahani, 33 vjeç u ndalua në portin e Folkestone ndërsa po udhëtonte me bashkëshorten, Afërdita, 26 vjeçe për në Francë.
Hetuesit dyshojnë se, shqiptari po përdorte gruan e tij shtatzënë për të marrë para droge jashtë Britanisë.
Cahani ua lehtësoi punën hetuesve pasi në makinën “Audi” u gjetën paratë, kurse në telefonin e tij u gjet një foto ku ai shfaqej me duart plot me para.
Gjithashtu, tek paratë e sekuestruara u zbuluan dhe shenjat e gishtërinjve të dy shqiptarëve që janë dënuar me nga shtatë dhe gjashtë vite e gjysmë burg në Reading në vitin 2014, raporton panorama.
Bëhet fjalë për Lufti Muja dhe Urim Bardoshi, që u kanë në tentativë për të future 1 kg kokainë në Britaninë e Madhe.
Çifti që jeton në Londër pritet të dënohet për pastrim parashë dhe rrezikojnë disa vite burg. Vendimi i gjykatës pritet të jepet në shtator.
