Zv.ministri i Mbrojtjes, Petro Koçi ka reaguar pas shkrimit në Opinion.al të gazetarit, Dritan Laci me titull Zoti apo Shoku Petro?! Me kë je ti, me NATO-n apo me Kiçon e Enverit? Në një koment në facebook, Koçi shkruan “Qëkur fotot janë baraz me pikëpamje politike? Enver Hoxha duhet të dalë në skene sa herë PD është në krizë politikë”.
Kësisoj, duket se Petro Koçi ka gjetur mënyrën e shfajësimit për aktivitetin në Sarandë ku u shfaq përkrah ish-ministrit të Mbrojtjes së kohës së komunizmit, Kiço Mustaqi. Ai pretendon se bëhet fjalë thjesht për një foto….
Në lidhje me këtë aktivitet, ku zyrtari i lartë shfaqet përkrah, ish-ministrit famëkeq të komunizmit ka reaguar edhe opozita. Kjo është hera e parë që PS-ja përpiqet të riktheje figurat e komunizmit, deklaroi PD-ja.
