Publikohet fotoja familjare nga samiti i liderëve të Ballkanit Perëndimor në Shkup të Maqedonisë së Veriut. Në këtë foto Rama shihet krah kryeministrit të Kosovës Albin Kurtit dhe afër komisioneres për Zgjerim e BE, Marta Kos.
Diskutimet në samit përqendrohen te reformat kyçe për të “zhbllokuar” ndarjen e fondeve nga Plani i Rritjes.
Plani i rritjes do të ndihmojë vendet e Ballkanit Perëndimor që të ndërtojnë rrugë, hekurudha, parqe fotovoltaike dhe infrastrukturë dixhitale.
Gjithashtu Komisionerja për Zgjerimin, Marta Kos tha se mes vendeve anëtare të BE-së ka konsensus për zgjerim në të ardhmen dhe ky çast duhet të shfrytëzohet.
Vendet e Ballkanit Perëndimor ndodhen në faza të ndryshme të procesit të anëtarësimit në BE, ndërsa Plani i Rritjes synon të përshpejtojë reformat dhe t’i përgatisë ato për anëtarësim.
