Pas fotos tragjike të Ajlanit të vogël, 4 vjeçarit sirian që u mbyt në brigjet e Antalias disa muaj më parë, kjo foto po thyen rrjetin. Eshtë një burrë gjerman, pjesë e ekipit të shpëtimit që mban të krah këtë bebe të porsa shpëtuar nga anija që u mbyt në Mesdhe, javën e kaluar.
Fotoja-Apel është publikuar nga një organizatë humanitare dhe synon të sensibilizojë autoritet europiane të japin një shans për emigrim të sigurtë të qindra e mijërave personave që ikin nga Lindja e Mesme.
Organizata humanitare gjermane Sea-Watch e ka shkrepur këtë foto në një varkë shpëtimi midis Libisë dhe Italisë. Burri në foto që quhet Martin ka thënë se e kishte gjetur këtë fëmijë në ujë “si një kukull, krahë me hapura”. Fotoja e botuar fillimisht nga Reuters po shpërndahet me shpejtësi në media e forume online. Qindra e mijëra njerëz komentojnë mbi këtë foto mjaft prekëse.
Situata e refugjatëve mbetet traumatike. Më shumë se 8,000 njerëz kanë vdekur në Mesdhe që nga fillimi i vitit 2014.
