Në vendin e largët veriperëndimor, në Malet Ande, gjendet një liqen mahnitës që mabn një sekret për më shumë se 500 vjet.
Laguna de los Condores, ndodhet në rajonin verior të Perusë, Chachapoyas, i cili u bë një nga vendet më të rëndësishme të vendit Inca në vitin 1997, atëherë arkeologët zbuluan qindra mumie në një shpellë në afërsi të liqenit. Në shpellë u gjendën shumë skelete dhe kafta të njerëzve. Më vonë këto pjesë janë ruajtur në Muzeun Leymebamba, por dyshohet se ka edhe kufoma të tjera të cilat fshihen ne xhunglën e malit.
Sipas bio-antropologut Sonia Guillen, eksperte për mumie në Peru, thotë se gërmimi në Laguna de los Condores është një nga zbulimet më të rëndësishme që kanë të bëjnë me periudhën Inca në Amerikën e Jugut, pasi kjo është një nga vendet e mëdha të varrezave Inca që i shpëtuan shkatërrimit nga pushtuesit spanjoll.
“Këto mumie janë shumë të rëndësishme për mua, për shkak se ata janë të parët tanë”, ka thënë Guille.
Ajo shpjegoi se mumiet e gjetura në Laguna de los Condores kanë gjasa se kanë mbajtur pozita të larta në shoqërinë e kohës së Inca’s.
“Populli Inca ka nderuar të vdekurit të cilët ishin nga familjet mbretërore”, ka thënë Guillen.
Vendi ku ata jetonin ishte i ndërtuar me ndërtesa të pjerrëta, ato gjendeshin në mes të xhunglës, për këtë arsye unë vazhdoj të habitem se si këta njerëz kanë arritur t’i ndërtojnë këto ndërtesa të tyre në mesin e xhunglës.
